ᐁᑲᐧ ᑕᔑᑫᐃᐧᐣ ᒥᑲᓇᑫᐃᐧᐣ ᑫᒋᓇᐨ ᑫᑯᓇᐣ ᑕᒪᔭᑭᓭᐊᐧᓄᐣ ᑐᑲᐣ ᐊᐦᑭ ᑲᐃᓇᐸᒋᒋᑲᑌᐠ ᐅᑫᐧᓂᐊᐧᐠ ᐊᐃᐧᔭᐠ ᓇᓂᔭᐦᐃᐠ ᑲᑲᐯᔑᐊᐧᐨ ᒥᑲᓇᐠ ᐁᑲᐧ ᒥᓇ ᒋᑭᐨ ᒥᑲᓇᐠ ᑲᑕᓇᓄᑭᐊᐧᐨ. ᐁᑲᐧ ᐅᐁᐧ ᑲᐱᒥᓇᓇᑲᒋᒋᑲᑌᐠ ᐊᐦᑭ ᒥᓇ ᑫᑯᓇᐣ ᑲᑕᑲᐧᑭᐣ ᑲᐊᐸᒋᒋᑲᑌᑭᐣ, ᒥᓇ ᑲᑲᓇᐊᐧᐸᒋᑲᑌᑭᐣ ᑫᑯᓇᐣ, ᓂᓯᑕᐃᐧᓂᑲᑌ ᐊᓂᐣ ᒥᑲᓇᑫᐃᐧᐣ ᑫᑐᒋᑫᒪᑲᐠ ᐅᒪ ᓀᑫᑲᒥᐠ, ᒥᓇ ᐊᓂᔑᓇᐯᐃᐧ ᐃᔑᒋᑫᐃᐧᓇᐣ ᑲᑐᒋᑲᑌᑭᐣ, ᒥᓇ ᐸᐸᒥᔭᐃᐧᓇᐣ ᐁᑲᐧ ᔓᓂᔭᑫᐃᐧ ᒪᒋᐦᑕᒪᓱᐃᐧᓇᐣ. ᐁᑲᐧ ᐅᑫᐧᓂᐊᐧᐣ ᓇᓇᑲᒋᒋᑫᐃᐧᓇᐣ ᑫᑲᐟ ᐯᔑᑲᐧᐣ ᐃᓇᓄᑭᒪᑲᓄᐣ ᐅᐁᐧ ᐅᒋ ᐊᐦᑭ ᑲᐊᐸᒋᒋᑲᑌᐠ— ᑐᑲᐣ ᐊᓂᔑᓇᐯᐃᐧ ᐃᔑᒋᑫᐃᐧᓇᐣ, ᒥᓇ ᑲᐧᐡᑫᐧᐱᒋᑫᐃᐧᐣ ᓇᐣᑕ ᑲᔦ ᔓᓂᔭᑫᐃᐧ ᒪᒋᒋᑫᐃᐧᐣ—ᐁᑲᐧ ᐊᒥᐅᐁᐧ ᑲᐧᔭᐠ
ᑲᐅᒋᓇᓇᑲᒋᒋᑲᑌᑭᐣ ᑫᑯᓇᐣ ᐊᐦᑭᑲᐠ. ᐊᑎᑲ ᑐᑲᐣ, ᑭᐡᐱᐣ ᑕᔑᓀ ᐊᐸᑕᐠ ᒥᑲᓇ ᐅᐡᑭ ᐅᒋᑕᒪᓱᐃᐧᓇᐣ ᑲᐅᒋᑕᑲᐧᓄᐣ ᑐᑲᐣ ᑲᐧᐡᑫᐧᐱᒋᑫᐃᐧᐣ ᒥᓇ ᒧᓇᐃᑫᐃᐧ ᐱᐊᐧᐱᑯᑫᐃᐧᐣ, ᓴᑯᐨ ᐊᐱᐣ ᑕᐊᐧᓇᒋᑲᑌ ᐊᐃᐧᔭᔑᔕᐠ ᑲᑕᔑᑫᐊᐧᐨ ᑕᐱᐡᑯᐨ ᐅᑫᐧᓂᐊᐧᐣ ᑕᔑᑫᐃᐧᓇᐣ ᒥᓇ ᐅᑭᐃᐧᑌᐠ ᑲᓴᑭᑐᐊᐧᒋᐣ. ᐁᑲᐧ ᐅᑫᐧᓂᐊᐧᐣ ᑫᑯᓇᐣ ᑲᑲᓇᐊᐧᐸᒋᑲᑌᑭᐣ, ᑐᑲᐣ ᐅᐡᑭ ᒪᒋᒋᑫᐃᐧᓇᐣ ᓇᐣᑕ ᑲᐊᒋᓭᐠ ᐱᑲᐧᑕᐦᑭᐠ, ᑕᐅᒋᐃᐧᒋᐦᐃᐁᐧᓭᓂ ᐊᓂᐣ ᑲᐃᔑᑲᓇᐊᐧᐸᑕᒧᐊᐧᐨ ᐊᓂᔑᓇᐯᐠ ᐊᐦᑭᓂ ᒥᓇ ᐊᓂᔑᓇᐯᐃᐧ ᑫᑯᓇᐣ ᐁᑲᐧ ᑯᑕᑭᔭᐣ ᐃᔑᒋᑫᐃᐧᓇᐣ ᑲᑐᑕᒧᐊᐧᐨ ᐃᒪ ᐅᑕᐦᑭᒧᐊᐧᐠ.
