MASHKIIG AKIIN

Mashkiig akiing ayaamagan gaa-nibiiwang aki, mii imaa ezhi-ozhi’oomagak azhashki ginwesh daso-biboon, mashkiig aki e-ozhi’oomagak. Andawendaagwan nibi, gaye gaa-mino-izhiwebak gaye gaa-apiitakamigaak ji-ozhi’oomagak, ngojigo 40 cm 3 m ako. Owe mashkiig aki ayaamagan
mashkiigong gaye gaa-izhi-nibiiwang aki, andawenjigaade nibi jibejijiwang imaa ji-ozhi’oomagak iwe azhashki gaawiin ji-wanaadazinog iwe azhashki. Gichi-inendaagwanoon mashkiig akiin aaniish naa niibiwa imaa ondaadiziwag aya’aawishag gaye gitigaanan, gaye e-izhishkaag gaanaagwasinog carbon gaa-izhinikaadeg, e-ozhi’oomagak carbon sink.